Пахши зинда
Ҳоло дар амвоҷ
Маҷаллаи бомдодӣ
 
 








 
 
 
 
 

Манотиқи нашаротӣ: / Ҷаҳони варзиш

Қаҳрамонҳои шашкаи Тоҷикистон дар соли 2007

18.09.2007

Дар сабқати мардон устоди варзиш Ҷонибек Сафаров, аз ноҳияи Рӯдакӣ бо 7, 5 имтиёз аз 9 бозӣ барои чаҳорумин бор ба унвони қаҳрамонӣ даст ёфт.

Баҳодур Бобоҷонов, корманди Сафорати Иёлоти Муттаҳидаи Амрико дар Тоҷикистон бо 7 имтиёз дар ҷойи дуввум қарор гирифт.

Раҳмиддин Сайёраев, корманди ширкати мухобиротии «Интерком» бо 6, 5 имтиёз ҷойи севвумро касб кард.

Сабқати занон бо пирӯзии устоди варзиш Матлуба Қосимова, қаҳрамони порсолаи кишвар, омӯзгори Донишкадаи ҳунарҳои зебои ба номи Мирзо Турсунзода хотима ёфт. Вай бар ҳамаи ҳарифони худ пирӯз гардида, 10 имтиёз ба даст овард.

Сайлонбии Баҳодур, хонандаи мактаби таҳсилоти ҳамагонии шумораи 1-и ноҳияи Ҳамадонии вилояти Хатлон ва Дилбар Нуриддинова, хонандаи мактаби миёнаи шумораи 2-и ноҳияи Исфара бо 8-имтиёзӣ мутаносибан ҷойҳои дуввуму севвумро азони худ карданд.


Сафари «Регар» ТадАЗ ба Покистон

Дастаи «Регар» ТадАЗ-и Турсунзода, қаҳрамони футболи Тоҷикистон барои ширкат дар мусобиқоти байнулмилалӣ барои дарёфти Ҷоми раиси Конфедеросиюни футболи Осиё рӯзи 18-уми сентябр озими Покистон шуд.

Севвумин давраи ин мусобиқот аз 20-ум то 30-уми сентябр дар шаҳри Лоҳур баргузор мешавад.

Маҳмадҷон Ҳабибуллоев, сармураббии тими «Регар» ТадАЗ ба радиои Озодӣ гуфт: «Дастаи «Регар» ТадАЗ, ки барои дуввумин бор дар ин мусобиқот ширкат хоҳад кард, дар гурӯҳи «А» бо тимҳои «Транспорт Юнайтед» - и Бутан, «Артиши Покистон» ва «Ратнам»-и Шри-Ланка рақобат мекунад. Дастаи мо соли 2005-ум нахустин барандаи Ҷоми раиси AFC гардида буд. Мо кӯшиш ба харҷ медиҳем, ки боз ин Ҷомро соҳиб шавем.»